काठमाडौं । काठमाडौं उपत्यकामा थप एक साता निषेधाज्ञा लम्ब्याउन सिफारिस गरिएको छ ।
मंगलबार दिउँसो तीनै जिल्लाका जिल्ला संकट व्यवस्थापन केन्द्र (डिसीसीएमसी) को संयुक्त बैठकले बैठकले जारी निषेधाज्ञा एक साता थप गरी भदौ १७ गते मध्यरातिसम्म लम्ब्याउन सिफारिस गरेको हो ।
काठमाडौंको निषेधाज्ञा बुधबार १० गते रातिबाट सकिँदैछ । सीडीओहरूको बैठकले निषेधाज्ञाबारे निर्णय गर्नेछ ।
यद्यपी, केन्द्रीय राजधानीसमेत भएका कारण सरकारको आदेशको प्रतिक्षामा सीडीओहरू रहेका छन् । गृह मन्त्रलाय र प्रधानमन्त्री कार्यालयबाट आवश्यक सुझाव लिएर प्रशासन कार्यालयहरुले निर्णय गर्ने तयारी गरेका छन् ।
छलफलमा एक साताभित्र थप आइसोलेसन सेन्टर बनाउन सकिने कुरा मेयरहरूले बताएका थिए । अब थपिने निषेधाज्ञालाई थप कडा बनाउने विषयमा समेत छलफल भएको छ ।
प्रतिक्रिया