नेपालगन्ज । कोरोना भाइरसको संक्रमणबाट बाँकेमा थप एक जनाको मृत्यु भएको छ ।
नेपालगन्ज उपमहानगरपालिका – ७ कि ७० वर्षीया महिलाको उपचारकै क्रममा कोहलपुरस्थित नेपालगन्ज मेडिकल कलेज शिक्षण अस्पतालमा मृत्यु भएको प्रमुख जिल्ला अधिकारी राम बहादुर कुरुमबाङ्ले जानकारी दिएका छन् । बिहीबार बिहान १०३० मा ती महिलाको निधन भएको जिल्ला सीसीएमसीले जनाएको छ ।
दुबै फोक्सोमा निमोनिया भएर छातीमा समस्या देखिएपछि ती महिलालाई गत भदौ ३ गते नेपालगञ्जस्थित एक नर्सिङ होममा भर्ना गरिएको थियो ।
कोरोना जस्तै लक्षण देखिएपछि उनको ३ गते नै पीसीआर परीक्षण गरिएको थियो । भदौ ५ गते उनको कोरोना पोजेटिभ रिपोर्ट आएको थियो ।
त्यसपछि उनलाई नेपालगन्ज मेडिकल कलेजमा सारिएको थियो । स्वास्थ्य अवस्था बिग्रन थालेपछि भदौ ६ गतेबाट उनलाई भेन्टिलेटरमा राखिएको थियो ।
यससँगै बाँकेमा कोरोना संक्रमणबाट मृत्यु हुनेको संख्या ६ पुगेको छ ।
प्रतिक्रिया