पूर्वी नवलपरासीमा थपिए २७ नयाँ संक्रमित, गैंडाकोटका मात्रै १७ जना

कावासोती । पूर्वी नवलपरासी जिल्लामा कोरोना भाइरसका फेरि २७ जना नयाँ संक्रमित थपिएका छन् ।

पोखराको क्षयरोग उपचार केन्द्र बाहिरका प्रयोगशालामा बुधबार र बिहीबार गरिएको परीक्षणमा गैंडाकोट नगरपालिकामा मात्रै १७ जना संक्रमित थपिएका छन् ।

यसैगरी कावासोती नगरपालिका ७ जनामा संक्रमण पुष्टि भएको छ । यस्तै, विनय त्रिवेणी गाउँपालिकाका ३ जनालाई संक्रमण पुष्टि भएको गण्डकी प्रदेशको स्वास्थ्य निर्देशनालयले जनाएको छ ।

संक्रमित हुनेमा ३ वर्षीय बालकसहित ७५ वर्षसम्मका रहेका छन् ।

गण्डकीमा कोरोना संक्रमणबाट निको हुनेहरु १६ सय ७२ जना पुगेका छन् ।