काठमाडौं । कोरोना भाइरसबाट पछिल्लो २४ घण्टामा ८ जना संक्रमितको मृत्यु भएको छ । ८ जनामध्ये ५ जना महिला रहेका छन् ।
स्वास्थ्य तथा जनसंख्या मन्त्रालयले आयोजना गर्ने नियमित पत्रकार सम्मेलनमा मन्त्रालयका प्रवक्ता प्राडा जागेश्वर गौतमले दिएको जानकारी अनुसार २३ वर्षदेखि ७० वर्षका महिलाले ज्यान गुमाएका छन् ।
बाराका २३ वर्षीया, कास्कीका ३२ वर्षीया, ललितपुरका ६५ वर्षीया, रुपन्देहीका ७० वर्षीया र बाँकेका ७० वर्षीया महिलाको मृत्यु भएको छ ।
यसैगरी काठमाडौंका ४८ वर्षीय, कपिलवस्तुका ५० वर्षीय र पर्साका ६२ वर्षीय पुरुषको पनि कोरोना संक्रमणबाट मृत्यु भएको छ ।
यससँगै हालसम्म मृत्यु हुनेको आधिकारिक संख्या १८३ पुगेको मन्त्रालयले जनाएको छ । यो मृत्यु दर ० दशमलव ५२ प्रतिशत रहेको छ ।
प्रतिक्रिया