रुपन्देही तिलोत्तमाको भेटनरी टोल सिल, एकै टोलमा ७ घरमा १२ जनामा संक्रमण पुष्टि

बुटवल । रुपन्देहीको तिलोत्तमा नगरपालिकाको भेटनरी टोल बिहिबारबाट सिल गरिएको छ । बिगत २ दिनमा लगातार ५ घरमा ८ जनामा कोरोना संक्रमण पुष्टि भएपछि भेटनरी टोल सिल गरिएको हो ।

सुरुमा बुटवल उपमहानगर ११ को एक घरको मलामीमा सामेल भएर फर्केका २ जनामा संक्रमण देखिएको र त्य यता लगातार संक्रमित देखिन थालेपछि टोललाई नै सिल गरेर कन्ट्याक्ट ट्रेसिङ सुरु गरिएको तिलोत्तमा नगरपालिकाका स्वास्थ्य शाखाका कोरोना फकेलपर्शन ईश्वरी पौड्यालले जानकारी दिए । नगरको जानकीनगर भित्रको भेटनरी टोलमा अहिले सम्म १२ जनामा संक्रमण पुष्टि भएको छ । बिहिबार १ जना ७० बर्षिया महिलाको समेत मृत्यु भएको थियो ।

टोलमा संक्रमितको सम्पर्कमा आएकाहरुको पूर्ण बिवरण नआउँदा सम्म टोललाई सिल गरिएको पौड्यालले बताए । बिहिबार थपिएका तिलोत्तमाका १७ जना मध्य ५ जना सोहि टोलका नागरिक हुन् । टोलमा ७ घरका १२ जनालाई संक्रमण पुष्टि भईसकेको छ ।