पोखरा । गण्डकी प्रदेशमा कोरोना संक्रमितको संख्या बढेर २ हजार ३६ पुगेको छ ।
पछिल्लो अद्यावधिक विवरण अनुसार ११ जना नयाँ संक्रमित थपिएका छन् ।
जसअनुसार, क्षयरोग उपचार केन्द्र, पोखरा गरिएको परिक्षणमा थपिएका सबै संक्रमित पोखरा महानगरपालिका भित्रका मात्रै हुन् ।
कामना विकास बैंकमा दीप शाखामा कार्यरत पोखरा महानगरपालिका– २ का एक जना रहेका संक्रमित रहेका छन् ।
यस्तै, एभरेष्ट बैंक अमरसिंह चोक शाखामा कार्यरत पोखरा महानगरपालिका–३ का अर्का व्यक्ति पनि संक्रमित भएका छन् ।
यस्तै, इन्जिनियरिङ कन्सल्टेन्सीमा कार्यरत एक जना पोखरा महानगरपालिका–१४ ३५ बर्षीय अर्का व्यक्तिलाई पनि संक्रमण भएको छ ।
यस्तै पोखार महानगरपालिका–१ कै मोबाईल पसलका संचालक समेत संक्रमित भएका छन् ।
यस्तै, पोखरा महानगरपालिका–५ निवासी व्यक्ति पनि संक्रमित भएका छन् । उनी पोखरा औद्योगिक क्षेत्रमा कार्यरत छन् ।
अन्य सबै संक्रमितहरु कन्ट्याक्ट ट्रेसिङबाट पहिचान भएकाहरु हुन । उनीहरु सबैलाई आईसोलेसन केन्द्रमा लैजाने तयारी भैरहेको गण्डकी प्रदेश स्वास्थ्य निर्देशनालयले जनाएको छ ।
प्रतिक्रिया