पोखरा । कोरोना संक्रमणबाट गोरखाका एक महिलाको निधन भएको छ ।
विरेन्द्र अस्पताल छाउनीमा उपचाररत गोरखाको आरुघाट गाउँपालिका–४ कि ६५ बर्षीया महिलाको मृत्यु भएको गण्डकी स्वास्थ्य निर्देशनालयले जनएको छ ।
काठमाडौको वीरेन्द्र सैनिक अस्पताल छाउनीमा उपचारको क्रममा गत भदौ १३ गते राति ११ः४८ बजे भएको उनको मृत्यु भएको थियो ।
उनलाई गत भदौ ४ गते स्वास्थ्यमा समस्या देखिएपछि अस्पताल भर्ना गरिएको थियो। भदौ १३ गते कोरोना संक्रमण पुष्टि भएको निर्देशनालयका निर्देशक विनोदविन्दु शर्माले विज्ञप्तिमार्फत जानकारी दिएका छन् ।
ती महिलामा हाइपोथाइरोडिजम तथा मिर्गौलाको रोग देखिएको पनि निर्देशनालयले जनाएको छ।
योसँगै गण्डकी प्रदेशमा कोरोना संक्रमणका कारण हालसम्म १४ जनाको मृत्यु भएको छ ।
प्रतिक्रिया