बुटवल । बुटवलस्थित लुम्बिनी प्रादेशिक अस्पतालको आइसोलेसनमा उपचाररत एक जना कोरोना संक्रमित महिलाको मृत्यु भएको छ ।
बुधबार साँझ श्वास प्रश्वासमा समस्या तथा उच्च ज्वरो आएर अस्पताल अस्पताल पुगेकी रुपन्देहीको सैनामैना ११, सालझण्डीकी ७७ वर्षीया महिलाको आज बिहान मृत्यु भएको हो । कोरोनासंग मिल्दो लक्षण भएपछि बुधबार नै उनको पीसीआर परीक्षण गर्दा उनीमा कोरोना पुष्टि भएको थियो ।
कोरोना बिशेष अस्पतालमा बेड र भेन्टिलेटर दुवै खाली नभए पछि उनलाई प्रादेशिक अस्पतालकै आइसालेसनमा राखी उपचार गरिएको थियो । उपचारकै क्रममा बिहीबार बिहान साढे ४ बजे उनको मृत्यु भएको लुम्बिनी प्रादेशिक अस्पतालका प्रवक्ता डा. बिष्णु गौतमले बताए।
अक्सिजनको सहायतामा उपचार गरिएको उनलाई गत ३ दिनदेखि खोकी लाग्ने, ज्वरो आउने र श्वासप्रश्वासमा समस्या देखिएको थियो ।
आज भएको मृत्युसंगै रुपन्देहीमा मृत्यु हुनेको संख्या ११ पुगेको छ ।
प्रतिक्रिया