बुटवल । कोरोना संक्रमणबाट प्यूठानका एक पुरुषको बुटवलमा मृत्यु भएको छ ।
बुटवलको गौतमबुद्ध सामुदायिक मुटु अस्पतालमा उनको मृत्यु भएको हो । मुट अस्पतालमा उपचार गराइरहेका स्वर्गद्वारी नगरपालिका ७ प्युठान का ५८ वर्षीय पुरुषको संक्रमणबाट बुधबार साझ ९:१० बजे मृत्यु भएको हो ।
स्वास्थ्यमा समस्या देखिएपछि उनलाई उपचारका लागि भदौ १० गते बुटवल ल्याइएको थियो ।
उपचारका क्रममा भदौ १५ गते पिसिआर परिक्षणका लागि स्वाव सकंलन गरिएको र भदौ १६ गते रिपोर्ट पोजेटिभ आएको गौतमबुद्ध सामुदायिक मुटु अस्पतालका अध्यक्ष एजाज आलमले बताए ।
निमोनियाबाट ग्रसित उनलाई उपचारका लागि गौतमबुद्ध सामुदायिक मुटु अस्पताल बुटवलमा भर्ना गरिएको थियो । एक साता अघिदेखि उनको भेन्टिलेटरमा राखेर उपचार भइरहेको आलमले बताए ।
प्रतिक्रिया