बुटवल । रुपन्देहीमा एकै दिन ३ जनाको कोरोना संक्रमणका कारण ज्यान गएको छ । शुक्रबार मात्र जिल्लाका बिभिन्न स्थानका ३ जनाको मृत्यु भएको हो ।
पछिल्लो तथ्याँक अनुसार गौतम बुद्ध सामुदायिक मुटु अस्पतालमा उपचाररत सिद्धार्थनगर नगरपालिका – ७ की ६४ बर्षिया महिलाको मृत्यु भएको छ । शुक्रबारनै सिद्धार्थनगर ८ का ४५ बर्षिय पुरुष तथा बुटवल उपमहानगर – ८ का ७८ बर्षिय पुरुषको मृत्यु भएको थियो ।
मुटु अस्पतालमा मृत्यु भएका पुरुष भाद्र ४ गते उच्च रक्तचाप, सुगर, मृगौला रोग र निमोनिया देखिएपछि उपचारको लागि मुटु अस्पतालमा भर्ना भएका थिए । स्वास्थ्यमा गम्भिर समस्या देखिएपछि उृनलाई ४ गतेबाट नै आईसीयू भेन्टिलेटरमा राखि उपचार गरिएको अस्पतालले जनाएको छ । उनको भाद्र १५ गते स्वाब संकलन गरि भाद्र १६ गते कोरोना संक्रमण पुष्टि भएको थियो ।
उपचारकै क्रममा शुक्रबार बिहान ८ः४५ बजे उनको मृत्यु भएको अस्पतालले प्रेस बिज्ञप्ति मार्फत जानकारी दिएको छ ।
रुपन्देहीमा मृत्यु हुनेको संख्या १४ पुगेको छ ।
प्रतिक्रिया