आगामी वर्षसम्म पनि कोरोनाको खोप आउनेमा डब्लुएचओबाट शंका व्यक्त

विश्व स्वास्थ्य संगठन (डब्लुएचओ)ले सन् २०२१ सम्म पनि कोरोना भाइरसको खोप आउनेमा शंका व्यक्त गरेको छ ।

डब्लुएचओका प्रवक्ता मार्गरेट ह्यारिसले शुक्रबार अहिले क्लिनिकल ट्रायलमा रहेका खोपलाई अझ बढी परीक्षणको महत्व रहेका बताएका छन् ।

प्रवक्ता ह्यारिसका अनुसार अहिलेसम्म एडभान्स क्लिनिकल स्टेजका आधारमा कुनै पनि खोप पुरै प्रभावशाली भैसकेको भन्न नसकिने अवस्था रहेको जिकिर गरेका छन् ।

जेनेभामा एक प्रेस ब्रिफिङमा उनले भने, ‘हामी वास्तवमै आगामी वर्षको मध्यसम्म व्यापक खोप अभियान होला भन्ने आशा गर्न सक्दैनौं ।’

कुनै पनि खोपले अहिलेसम्म ५० प्रतिशत पनि प्रभावकारीताको संकेत नदिएको उनले बताए । -बीबीसी