कावासोती । नवलपरासी पूर्वमा आइतबार १२ जनामा कोरना संक्रमण पुष्टि भएको छ ।
मध्यविन्दु नगरपालिका, कावासोती नगरपालिका र बुलिङ गाउँपालिकाकामा कोरना भाइरसका नयाँ संक्रमित देखिएका हुन ।
जिल्लाको मध्यविन्दु नगरपालिका वडा नं ७, ८, १० र १५ मा दुईजना महिला र सात जना पुरुष कावासोतीमा २ महिला र बुलिङमा १ जनामा कोरोना संक्रमण पुष्टि भएको जिल्ला स्वास्थ्य कार्यालयले जनाएको छ ।
संक्रमण हुनेहरु मध्यविन्दु ७ की ५२ वर्षीया महिला, मध्यविन्दु ८ का ३८ वर्षीय पुरुष, मध्यविन्दु १० का २२, १७, १३, ४४, ३९ वर्षीय पुरुष र ४५ वर्षीया महिला रहेका छन् ।
यस्तै वडा नं. १५ का ४० वर्षीय पुरुष, कावासोती २ की ३२ वर्षीया १ महिला र ९ मा २२ वर्षीय १ महिला र बुलिङका ३८ वर्षीय १ पुरूषमा कोरना भाइरस संक्रमण पुष्टि भएको जिल्ला स्वास्थ्य कार्यलयका प्रमुख केशब प्रसाद चापागाईले जानकारी दिए ।
आज थपिएकासँगै नवलपरासी पुर्वमा कोरोना भाइरस संक्रमितको संख्या ५ सय ४५ पुगेको छ ।
जसमा निको हुनेको संख्या ३ सय ६६ रहेको छ । जिल्लामा हालसम्म कोरोना संक्रमणबाट २ जनाको मृत्यु भएको छ ।
प्रतिक्रिया