१४ फाल्गुन २०८०, सोमबार | February 26, 2024

सीमा क्षेत्रको तनाव घटाउन भारत र चीनका विदेशमन्त्रीहरुबीच ५ बुँदे सहमति



काठमाडौं । भारत र चीनका विदेशमन्त्रीहरु सीमा क्षेत्रमा देखिएको समस्या समाधान गर्न सहमत भएका छन् ।

साङ्घाई कोअपरेशन अर्गनाईजेशन एसईओको बैठकमा भाग लिन मस्को पुगेका भारतीय विदेशमन्त्री एस जयशंकर र चिनियाँ विदेशमन्त्री वाङ यीले सीमामा भैरहेको तनावपूर्ण अवस्थालाई घटाउन ५ बुँदे सहमति गरेका हुन् ।

सहमतिमा सीमा व्यवस्थापनमा अहिलेसम्म भएका सम्झौता र प्रोटोकलको पालना गर्दै शान्ति बनाउन र कुनैपनि कारवाहीबाट वच्ने विषय समेटिएको भारतीय दैनिक पत्रिका द हिन्दुले जनाएको छ ।

भारतीय सेना र चिनियाँ जनमुक्ति सेना पीएलएबीच गत मई देखि पूर्वी लद्दाख÷अक्साई चीनस्थित वास्तविक नियन्त्रण रेखा (एलएसी)का कैयौं क्षेत्रमा तनावपूर्ण स्थिति बन्दै आएको छ ।

दुवै देशका विदेशमन्त्रीहरुले संयुक्त विज्ञप्ति जारी गर्दै खुला र रचनात्मक छलफल गरी सहमतिमा पुगेको जनाएको भारतीय विदेशमन्त्रालयद्वारा जारी विज्ञप्तिमा जनाइएको द हिन्दुले उल्लेख गरेको छ ।

दुवै विदेशमन्त्रीले सीमा क्षेत्रमा हाल देखिएको स्थिति कुनै पनि पक्षका लागि हितकर नभएको निस्कर्ष निकालेका छन् । दुवै देशका विदेशमन्त्री सैनिकहरुबीच अझ बढी सम्पर्क र सम्वाद जारी राख्दै तनावलाई घटाउन र दुई देशका सेनाबीच निश्चित दूरी कायम गर्न सहमति जनाएका छन् ।

संयुक्त वक्तव्य जारी गर्दै जयशंकर र वाङले भारत र चीनका शिर्ष नेताहरुबीच यसअघि भएको आम सहमतिबाट मार्गदर्शन लिने जनाएका छन्, जहाँ एकआपसका मतभेदलाई थप विवादित बनाउन नदिने सहमति कायम रहेको छ ।

भारतका प्रधानमन्त्री नरेन्द्र मोदी र चिनियाँ राष्ट्रपति सी जिङपिङबीच सन् २०१८ र २०१९ मा भएको अनौपचारिक शिखर सम्मेलनमा दुई मुलुकबीचको मतभेदलाई घटाउँदै थप सम्बन्ध विस्तार गर्ने सहमति बनेको विषयलाई द हिन्दुले स्मरण गरेको छ ।

प्रकाशित मिति : २६ भाद्र २०७७, शुक्रबार  ८ : ४२ बजे

सडकमा फोहर फाल्ने माथि नेपालगन्ज उपमहानगरको दण्ड, मेयर आफै जरिवाना काट्न सडकमा

नेपालगन्ज । नेपालगन्ज उपमहानगरपालिकाका सडकमा जथाभावी फोहोर फाल्नेमाथि कारवाही गर्न

अध्यागमन विधेयक बहुमतले स्वीकृत भई राष्ट्रिय सभाबाट फिर्ता

काठमाडौं । सङ्घीय संसद्, राष्ट्रियसभामा विचाराधीन ‘अध्यागमन विधेयक, २०७६ फिर्ता

लुम्बिनी प्रादेशिक अस्पतालको योजनाबारे एमाले उपाध्यक्ष बिष्णु पौडेलले भने- कुनै बहानामा विलम्ब नहोस्

बुटवल । पूर्व उपप्रधान एवं अर्थमन्त्री तथा नेकपा एमालेका उपाध्यक्ष

पाकिस्तानी राष्ट्रपतिद्वारा गरिबी र कुपोषणविरुद्ध एकजुट भएर लड्न आग्रह

इस्लामावाद । पाकिस्तानका राष्ट्रपति आरिफ अल्वीले गरिबी, कुपोषण, वृद्धावस्था र

देवदहका नगर प्रमुख र प्रमुख प्रशासकीय अधिकृतको कार्यकक्षमा तालाबन्दी

देवदह । झण्डै २ घण्टाको घम्साघम्सीपछि अन्ततः देवदह नगरपालिकाका प्रमुख