बुटवल । बुटवल कोरोना विशेष अस्थायी अस्पतालको आईसीयूमा उपचाररत पश्चिम नवलपरासीका एकजना कोरोना संक्रमित पुरुषको मृत्यु भएको छ ।
बुटवल कोरोना विशेष अस्थायी अस्पतालको आईसीयूमा उपचाररत सुस्ता गाउँपालिका–५ का ५५ वर्षका पुरुषको मृत्यु भएको हो ।
भदौ १९ गते कोरोना संक्रमण पुष्टि भएका उनको आईसीयूमा उपचाररत अवस्थामा शुक्रबार विहान ११ बजे मृत्यु भएको अस्पतालका सूचना अधिकारी डा. विष्णु गौतमले जानकारी दिए ।
उनमा कलेजो, मधुमेह र उच्च रक्तचापको समस्या रहेको अस्पतालले जारी गरेको प्रेस विज्ञप्तिमा उल्लेख छ । यो संगै पश्चिम नवलपरासीमा कोरोना संक्रमितको मृत्यु हुने संख्या ४ पुगेको छ ।
प्रतिक्रिया