१३ बैशाख २०८१, बिहिबार | April 25, 2024

जोखिममा रहेका वस्ती स्थानान्तरण गर्न सभापति देउवाको माग



काठमाडौं । प्रमुख प्रतिपक्षी दल नेपाली काँग्रेसका सभापति शेरबहादुर देउवाले सिन्धुपाल्चोकमा रहेका जोखिमपूर्ण वस्ती स्थानान्तरण गर्न माग गरेका छन् ।

सभापति देउवाले आइतबार एक विज्ञप्ति जारी गर्दै सिन्धुपाल्चोकमा पटकपटक ठूलो पहिरो गएको भन्दै जोखिममा रहेका वस्ती स्थानान्तरण गर्न प्रधानमन्त्रीसँग माग गरेका हुन् ।

देउवाले विज्ञप्तीमा भनेका छन्, ‘सिन्धुपाल्चोकमा पछिल्लो समय पटक–पटक पहिरोले क्षति गरेको तथ्य दृष्टिगत गर्दै भूगर्भविद्हरूले औँल्याएका जोखिमका बस्तीका नागरिकलाई सुरक्षित स्थानान्तरण अविलम्ब गर्न प्रधानमन्त्रीजीको ध्यानाकर्षण गराउँदै सरकार समक्ष माग गर्दछु ।’

विज्ञप्तीमा उनले भनेका छन्, ‘प्राकृतिक विपतको यस घडीमा बेपत्ताहरूको तीव्रताका साथ खोजी गर्न, घाइतेहरूलाई उपचारको प्रबन्ध गर्न तथा पीडितका परिवारलाई अति आवश्यक सामाग्रीहरू— खाद्यान्न, लत्ताकपडा, भाडाकुडा, औषधि र अस्थायी बसोबासको तत्काल व्यवस्था गर्न म सरकारसँग आग्रह गर्दछु ।’

सभापति देउवाले आइतबार बिहान गएको पहिरोबाट भएको ठूलो जनधनको क्षतिप्रति दुःख व्यक्त गर्दै राहत र उद्दारकार्यलाई तिब्र बनाउन पनि माग गरेका छन् ।

सिन्धुपाल्चोकको बाह्रबिसे नगरपालिका ७ का नागफुजे, भिरखर्क र नेवार टोलमा पहिरो जाँदा भएको क्षतिको र बागलुङको पहिरोप्रति देउवाले दुःख व्यक्त गरेका छन् ।

देउवाले उद्धार र राहतको मानवीय कर्तव्यमा सक्रियता बन्न कांग्रेस कार्यकर्ताहरुलाई निर्देशन दिएका छन् ।

 

प्रकाशित मिति : २८ भाद्र २०७७, आइतबार  ३ : ४७ बजे

कोशीमा संकल्प प्रस्ताव पारित भएको पत्र प्रदेश प्रमुखलाई पठाइयो

विराटनगर । कोशी प्रदेशका मुख्यमन्त्री केदार कार्कीसँग प्रदेशसभामा बहुमत नरहेको

समृद्धी सलोन एण्ड एकेडेमीद्धारा सम्मान तथा दिक्षित

बुटवल । बुटवलको अमरपथस्थित सिंह कम्पेलेक्समा रहेको समृद्धी सलोन एण्ड

युवती भगाएको विषयमा धनुषाको पौडेसर तनावग्रस्त

धनुषा ।  धनुषाको औरही गाउँपालिकाको पौडेसर तनावग्रस्त भएको छ ।

मनमोहन अधिकारी वाम-लोकतान्त्रिक आन्दोलनका अथक योद्धा : पूर्वराष्ट्रपति भण्डारी

काठमाडौं । पूर्वराष्ट्रपति विद्यादेवी भण्डारीले मनमोहन अधिकारी नेपालको वाम-लोकतान्त्रिक आन्दोलनका

त्रिवि भूगोल केन्द्रीय विभागमा माटो परीक्षण तालिम

काठमाडौं । त्रिभुवन विश्वविद्यालय भूगोल केन्द्रीय विभागले माटोको नियमित परीक्षण