काठमाडौं । काठमाडौं उपत्यका कोरोना भाइरसको हटस्टप बन्दै गएको छ ।
घना वस्ती रहेको उपत्यकामा न्यूनतम स्वास्थ्य मापदण्ड पालनामा नागरिकको हेलचक्रयाईं एवं भाइरस नियन्त्रणमा राज्यको कमजोरीका कारण काठमाडौं कोरोनाका लागि हट स्पट बन्न पुगेको प्रष्ट बुझ्न सकिन्छ ।
आइतबार भाइरका थप ५९५ जना संक्रमित थपिएका छन् । यसअघिका दिनमा जस्तै काठमाडौं जिल्लामा सबैभन्दा संक्रमित थपिएका छन् ।
काठमाडौंमा १७८ जना महिला र ३०५ जना पुरुषसहित ४८३ नयाँ संक्रमित थपिएका छन् ।
यसपछि आइतबार भक्तपुरमा संक्रमितको उछाल देखिएको छ ।
भक्तपुरमा २२ महिला र ५९ पुरुषसहित ८१ जना थपिएका छन् भने ललितपुरमा १६ महिला र १७ पुरुषगरी ३३ जना थपिएका छन् ।
उपत्यकामा अहिलेसम्म ११ हजार ७१६ जना संक्रमित पुगिसकेका छन् ।
प्रतिक्रिया