वर्षौंदेखिको चोरी पैठारी नाकामा शसस्त्रको बीओपीको अवरोध

लुम्बिनी । चोरी पैठारीको माध्यमबाट पटक पटक नेपाल भित्राईंदै गर्दा शसस्त्र प्रहरीले बरामद गरेको ९२ हजार मुल्य बराबरको बिभिन्न सामाग्री भन्सार चलान गरिएको छ ।

शसस्त्र प्रहरीबल बीओपी बयरघाटले पटक पटक गरि बरामद गरेको सामान आईतबार बेलहिया भन्सार चलान गरेको हो । शसस्त्रले भन्सार पठाएको सामानहरुमा चीनी,औषधी, खाद्यसामाग्री लगायत छन् ।

लुम्बिनी साँस्कृतिक नगरपालिका वडा नं.१३ स्थित अजमा निपनिया ,ओडवलिया सीमा नाकाबाट नेपाल भित्राईंदै गरेको सामान शसस्त्र प्रहरीले बरामद गरि बेलहिया भन्सार पठाईएको शसस्त्र प्रहरी निरीक्षक संजित मानन्धरले जानकारी दिए ।
यसै गरि थुम्हवा पिपरहवा भन्सार नाकाबाट नेपाल ल्याईंदै गरेकोे १५ बोरा मटरदाल समेत बरामद गरि भन्सार पठाईएको शसस्त्र प्रहरी सुरक्षा बेस क्याम्प दुईमुहानघाटका प्रमुख सहदेव सापकोटाले बताए ।

वर्षौंदेखि चोरी पैठारीका लागि स्वतन्त्र रहेको ती नाकाहरुमा शसस्त्रको बीओपी स्थापना भएपछि चोरी पैठारीमा संलग्नहरुलाई समस्या उत्पन्न भएको छ ।