नेपालगन्ज । बाँकेको नेपाल भारत सिमा नाकास्थित दशगजा क्षेत्र नजिकैबाट भारतबाट चोरी पैठारी हुँदै गरेको ठुलो मात्रामा अबैध सामग्री सशस्त्र प्रहरीले बरामद गरेको छ ।
सशस्त्र प्रहरी बल (बिओपीं ) जमुनाहा भन्सारबाट खटिएको प्रहरी टोलीले आईतबार दिउँसो अबैध सामग्री सहित एउटा भारतीय नम्बर प्लेटको मोटरसाईकल समेत बरामद गरेको हो ।
नेपालगन्ज उपमहानगरपालिका १६ जयसपुस्थित दशगजा क्षेत्रबाट भारतीय नम्बर प्लेटको मोटरसाईकलमा लोड गरी ल्याउँदै गरेको अवस्थामा करीब १ लाख ५५ हजार ६०० मुल्य बराबरका कस्मेटीक सामान, कपडा, जुत्ता तथा सुर्तीजन्य सामग्री बरामद गरेको सशस्त्र प्रहरीको जमुनाहा (बीओपी)का सशस्त्र प्रहरी निरिक्षक जीवनलाल बुढाले जानकारी दिए ।
सशस्त्र प्रहरीको टोलीलाई देखेपछि सामान र मोटरसाईकल छाडेर तस्कर फरार भएको सशस्त्र प्रहरीले जनाएको छ ।
बरामद गरिएका सामग्री आवयश्क कारवाहीका लागि नेपालगञ्ज भन्सार कार्यालय पठाइएको छ ।
प्रतिक्रिया