रुपन्देहीमा थप १ जना कोरोना संक्रमितको मृत्यु, जिल्लामा मृत्यु हुनेको संख्या १७ पुग्यो

बुटवल । रुपन्देहीमा थप १ जना कोरोना संक्रमितको मृत्यु भएको छ । लुम्बिनी प्रादेशिक अस्पतालमा उपचारका लागि पुगेकी ६४ बर्षिया महिलाको सोमबार मध्यान्ह २ः३५ बजे मृत्यु भएको प्रादेशिक अस्पतालले जनाएको छ ।

सिद्धार्थ नगर नगरपालिका-५ बाट श्वासप्रश्वासमा समस्या भएर सोमबार मध्यान्ह १२ बजे लुम्बिनी प्रादेशिक अस्पताल भर्ना भएकी महिलाको जीन एक्सपर्ट परीक्षणबाट कोरोना पोजिटिभ आएपछि फिभर क्लीनीकमा राखेर उपचार भईरहेकोमा दिउंसो २ः३५ बजे उनको मृत्यु भएको अस्पतालका प्रवक्ता डा. बिष्णु गौतमले जानकारी दिए ।

अस्पताल ल्याउंदा नै अवस्था गम्भिर रहेकोमा परीक्षणको रिपोर्ट र उपचारको ब्यवस्थापन गर्दा गर्दै बिरामीको मृत्यु भएको अस्पतालले जनाएको छ ।

आज मृत्यु भएसंगै रुपन्देहीमा मृत्यु हुनेको संख्या १७ पुगेको छ ।