काठमाडौं । नेपाल विद्युत प्राधिकरणका कार्यकारी निर्देशकको रुपमा कुशलतापूर्वक कार्यकाल पुरा गरेका कुलमान घिसिङलाई प्राधिकरणले औपचारिक विदाई गरेको छ ।
मंगलबार प्राधिकरणको केन्द्रीय कार्यालयमा विशेष कार्यक्रमको आयोजना गरी कर्मचारीहरुले घिसिङलाई विदाई गरेका हुन् ।
विदाई कार्यक्रममा नेपाल विद्युत प्राधिकरणको आधिकारिक कर्मचारी युनियनका अध्यक्ष रामेश्वर पौडेलले घिसिङको कार्यकालमा प्राधिकरणले छलाङ मारेको बताए । पौडेलले आगामी १५ दिनभित्र घिसिङलाई स्वागत गर्न पाइयोस भनि आशा व्यक्त गरे ।
कार्यक्रममा प्राधिकरणका उपकार्यकारी निर्देशक लेखनाथ कोइरालाले घिसिङले २६ वर्षसम्म प्राधिकरणको हितका लागि गौरब गर्न लायक काम गरेको जिकिर गरे ।
चार वर्ष अघि प्राधिकरणको नेतृत्व सम्हाल्न पुगेका घिसिङले कुशल व्यवस्थापनका साथ देशलाई लोडेसडिङ मुक्त गराउन सफल भएका छन् ।
कुलमान घिसिङ कार्यकारी निर्देशक हुनुअघि प्राधिकरणको काम लोडसेडिङको तालिका बनाउने मात्रै सीमित भएको थियो ।
यसैकारण आम सर्वसाधारणले कुलमान घिसिङलाई प्राधिकरणमा पुनः नियुक्ति दिनुपर्ने माग गरिरहेका छन् ।
घिसिङले देशलाई लोडसेडिङ मुक्त मात्र बनाएनन्, निरन्तर घाटामै गैरहेको प्राधिकरणलाई अर्बौंको नाफामा लगेका छन् ।
प्रतिक्रिया