बुटवल । बुटवलमा मंगलबार ३२ जना कोरोना संक्रमित थपिएका छन ।
पछिल्लो २४ घण्टामा बुटवल उपमहानगरपालिकामा ३२ जना नया कोरोना संक्रमित थपिएका हुन ।
पछिल्लो २४ घण्टामा बुटवल उपमहानगरपालिका वडा नम्बर १ मा १ जना, वडा नम्बर ३ मा ९ जना, वडा नम्बर ४ मा १ जना, वडा नम्बर ७ मा २ जना, वडा नम्बर ८ र ९ मा ४/४ जना, वडा नम्बर १३ मा ३ जना, वडा नम्बर १४ मा २ जना संक्रमित थपिएको बुटवल उपमहानगरपालिका जनस्वास्थ्य शाखा कोभिड-१९ फोकल पर्सन कुन्दन कुमार सिंहले जानकारी दिए ।
अन्य ६ संक्रमितको वडा खुल्न नसकेको सिंहले बताए ।
यो सँगै बुटवलमा संक्रमितको संख्या ६१४ पुगेको छ । जसमध्ये ३१३ जना संक्रमित निको भएका छन् भने ३०१ कोरोना संक्रमित उपचाररत अवस्थामा रहेका छन् ।
प्रतिक्रिया