काठमाडौ । लिबर्टी इनर्जी कम्पनीले सर्वसाधारणलाई जारी गरेको शेयर नेप्सेका सूचीकृत भएको छ। शुक्रबार कम्पनीको एक करोड ५० लाख कित्ता साधारण शेयर नेप्सेमा सूचीकृत भएको हो।
नेप्सेले पहिलो कारोबारको लागि न्युनतम १०० रुपैयाँदेखि ३०० रुपैयाँ ओपनिंग रेन्ज तोकेको छ। यस्तै आइतबारबाट कम्पनीको शेयर करोबार हुने नेप्सेले जनाएको छ । कम्पनीको शेयरलाई नेप्सेले कारोबारको लागि (एलइसि) संकेत दिएको छ।
कम्पनीले भदौ ३ देखि ७ गतेसम्म साधारण शेयर निष्काशन गरेको थियो। कम्पनीले सर्वसाधारणका लागि ३५ करोड ६४ लाख ९३ हजार रुपैयाँ मूल्यको ३५ लाख ६४ हजार ९ सय ३० कित्ता शेयर निष्काशन गरेको थियो।
जसमा १ लाख ८५ हजार ९ सय ७५ जना आवेदकबाट ७१ करोड ६८ लाख ११ हजार रुपैयाँको आवेदन परेको थियो।
प्रतिक्रिया