बाँकेमा एकै दिन दुई लट कोरोना संक्रमित थपिए, शनिबार थपिनेको संख्या ४३ जना

नेपालगन्ज । बाँकेमा एकै दिन २ पटक पीसीआरको रिपोर्ट सार्वजानिक गरिंदा शनिबार थपिएका कोरोना संक्रमितको संख्या ४३ पुगेको छ । मध्यन्ह आएको पीसीआर रिपोर्टमा २३ जनामा संक्रमण पुष्टि भएकोमा साँझ पुनः २० जना थपिएर शनिबार थपिनेको संख्या ४३ पुगेको हो ।

स्वास्थ्य कार्यालय बाँकेका अनुसार पहिलो लटमा भेरी अस्पतालको प्रयोगशलाबाट १५ जना र नेपालगन्ज मेडिकल कलेज ल्याबबाट ८ जनामा कोरोना पुष्टि भएकोमा दोस्रो लटमा भेरी अस्पतालबाट १८ जना र बागेश्वरी डाईग्नोसिस सेण्टरबाट २ जना थपिएका छन् ।

आज थपिएसँगै बाँकेमा संक्रमितको संख्या १५९० पुगेको छ । बाँकेमा निको भएर टिस्चार्ज हुनेको संख्या पनि उल्लेख्य रहेको छ । बाँकेमा १२०३ जना कोरोना मुक्त भएर घर फर्केका छन् । जिल्लामा ९ जना कोरोना संक्रमितको मृत्यु भएको छ ।