बाँकेमा थप एक जना संक्रमितको मृत्यु

नेपालगन्ज । बाँकेमा शनिबार थप एक जना संक्रमितको मृत्यु भएको छ ।

भेरी अस्पताल नेपालगन्जमा उपचारको क्रममा नेपालगन्ज उपमहानगरपालिका वडा २१ पुरैनीका ५९ वर्षीय पुरुषको शनिवार राती ११ः३० बजे मृत्यु भएको हो ।

उनि भदौ २० गते साझ ५ बजे स्वास्थ्यमा समस्या भएपछि भेरी अस्पताल नेपालगन्ज भर्ना भएका थिए । उनको २१ गते कोरोना पोजेटिभ रिर्पोट आएको थियो ।

उनलाइ प्लाज्मा थेरापीबाट उपचार गरीएको र उनको अबस्था बिग्रिदै गएपछि असोज ३ गतेबाट भेन्टिलेटर प्रयोग गरी उपचार गरीएको थियो ।

दुवै तिरको फोक्सोको निमोनिया भएको उनको शनिबार राति ११:३० बजे मृत्यु भएको स्वास्थ्य कार्यालय बाँकेका फोकल पर्सन नरेश श्रेष्ठले बताए ।

योसंगै बाँकेमा कोरोना संक्रमणबाट मृत्युको संख्या १० पुगेको छ ।