बुटवल । पछिल्लो २४ घण्टामा रुपन्देहीमा ५१ जना संक्रमित थपिएका छन् ।
स्वास्थ्य कार्यालय रुपन्देहीले प्रकाशित गरेको पछिल्लो तथ्यांक अनुसार १९ जना महिला र ३६ जना पुरुष गरी ५१ जनामा संक्रमण पुष्टि भएको हो ।
मंगलबार थपिएका मध्ये सबैभन्दा धेरै बुटवल उपमहानगरपालिका रहेका छन् । बुटवलमा १२ जना महिला र २१ जना पुरुष संक्रमित भएको स्वास्थ्य कार्यालयले जनाएको छ ।
यस्तै सिद्धार्थनगर नगरपालिकामा ३ महिला र ४ जना पुरुष संक्रमित भएका छन् भने तिलोत्तमा नगरपालिकामा ३ महिला र ४ पुरुषलाई संक्रमण पुष्टि भएको छ ।
यसैगरी सैनामैना नगरपालिकामा १ जना महिला र २ जना पुरुष एवं देवदह नगरपालिकाका १ जना पुरुषलाई संक्रमण देखिएको छ ।
यससँगै जिल्लाभर अहिलेसम्म संक्रमित हुनेको संख्या २ हजार १२७ पुगेको छ । रुपन्देहीमा हालसम्म २१ जना संक्रमितको मृत्यु भएको छ । यस्तै, १ हजार ३३९ जना संक्रमित निको भएर घर फर्किएका छन् ।
मंगलबारसम्म सक्रिय संक्रमितको संख्या ७८८ रहेको छ ।
प्रतिक्रिया