ललितपुरका २ अस्पतालमा २ जना कोरोना संक्रमितको मृत्यु

७ आश्विन २०७७, बुधबार

काठमाडौं । कोरोना भाइरसको संक्रमणका कारण ललितपुरमा थप दुईजनाको मृत्यु भएको छ ।

ललितपुरका दुई अस्पतालमा उपचाररत दुई जना संक्रमितको मृत्यु भएको स्वास्थ्य कार्यालय ललितपुरले जनाएको छ ।

जसमध्ये एक जना ८० वर्षीय र अर्का एक जना ७४ वर्षीय वृद्ध पुरुष रहेका छन् ।

८० वर्षीय पुरुष एक महिना अघि भदौ ६ गतेदेखि मेघा अस्पतालमा उपचाररत थिए भने ७४ वर्षीय पुरुष गत भदौ १७ गतेदेखि अल्का अस्पतालमा उपचाररत थिए ।

प्रकाशित मिति : ७ आश्विन २०७७, बुधबार १२ : ४६ बजे

प्रतिक्रिया