काठमाडौं । पछिल्लो २४ घण्टामा १ हजार १७२* जनामा कोरोना भाइरसको संक्रमण पुष्टि भएको छ ।
देशभरका विभिन्न प्रयोगशालामा गरिएको ९ हजार ४४९ पीसीआर परीक्षणमा १ हजार १७४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै देशभर कुल संक्रमितको संख्या ६७ हजार ८०७ पुगेको मन्त्रालयका प्रवक्ता प्राडा. जागेश्वर गौतमले जानकारी दिए ।
देशभर सक्रिय संक्रमितको संख्या १७ हजार ४१४ रहेको छ । जसमध्ये संस्थागत आइसोलेसनमा ८ हजार २२८ जना रहेका छन् । यस्तै, होम आइसोलेसनमा ९ हजार १८६ जना रहेका छन् ।
आज डिस्चार्ज हुनेको संख्या १हजार ८ सय ९३ रहेको छ ।
(* स्वास्थ्य मन्त्रालयका प्रवक्ताले नियमित कोरोना ब्रिफिङमा पहिला दिएको संक्रमितको संख्या गलत रहेको छ । यो गल्तीलाई प्रवक्ताले धेरै पछि मात्र सच्चाएका कारण हाम्रो शिर्षकको तथ्यांकमा पनि गल्ती हुन गएको छ । त्यसैअनुसार हामीले सुधार गरेका छौं । -सम्पादक)
प्रतिक्रिया