काठमाडौं । देशभर कोरोना भाइरसका संक्रमित दिनदिनै बढिरहेका छन् । कोरोना संक्रमित थपिएसँगै संक्रमणबाट मृत्यु हुनेको संख्या पनि बढेको छ ।
पछिल्लो २४ घण्टामा १७ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । यो मृत्यु अहिलेसम्मकै उच्च हो । जसमध्ये ५ जना महिला र १२ जना पुरुष रहेका छन् ।
मृत्यु हुनेमध्ये सबैभन्दा धेरै काठमाडौंकै रहेका छन् । काठमाडौंमा १ महिला र ३ पुरुष गरी ४ जनाको मृत्यु भएको छ । यसपछि धनुषामा २ जना पुरुषको मृत्यु भएको छ । मोरङ, सुनसरी, भक्तपुर र धादिङमा १/१ जना महिलाको मृत्यु भएको छ ।
यस्तै, झापा, भक्तपुर, रौतहट, तनहुँ, कपिलवस्तु र नवलपरासीका एक एक जना पुरुषको पनि मृत्यु भएको मन्त्रलयले जारी गरेको अपडेटमा जनाइएको हो ।
यससँगै हालसम्म देशभर मृत्यु हुनेको संख्या ४५३ पुगेको छ । यो कुल संक्रमितको ० दशमलव ६५ प्रतिशत रहेको छ ।
प्रतिक्रिया