बाँकेमा थप एक कोरोना संक्रमितको मृत्यु

नेपालगञ्ज । बाँकेमा थप एक जना कोरोना संक्रमितको मृत्यु भएको छ ।

नेपालगञ्ज उपमहानगरपालिका वडा नं. ३ एकलैनी निवासी ५२ बर्षीय पुरुषको शुक्रवार विहान २:२५ बजे कोरोना संक्रमणको कारण मृत्यु भएको हो ।

फोक्सोमा निमोनिया हुनुको साथै उच्च रक्तचाप समेत देखिएको उनको नेपालगञ्ज मेडिकल कलेज शिक्षक अस्पताल कोहलपुरमा उपचारका क्रममा मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए ।

नेपालगन् उपमहानगरपलिका वार्ड नम्बर ३ एक्लैनीका ५२ वर्षिय पुरुषको मृत्यु भएको हो ।

स्वास्थ्य कार्यालय बाँकेका अनुसार स्वास्थ्यमा समस्या देखिएपछि ती पुरुषको असोज ६ बिहान पीसीआर परीक्षण भएको थियो । सोही दिन उनलाई कोरोना पुष्टि भएपछि राती ११ बजे अस्पताल भर्ना गरिएको थियो । उपचारका सबै बिधि अपनाउंदा समेत स्वास्थ्यमा सुधार हुन नसकेको र गयराती २ः४५ बजे उनको मृत्यु भएको स्वास्थ्य कार्यालय बाँकेका अधिकृत  श्रेष्ठले बताए ।

यो सँगै बाँकेमा कोरोना संक्रमित १२ जनाको मृत्यु भएको छ । बाँकेमा उपचारका क्रममा बाँके बाहिरका ५ जनाको पनि ज्यान गईसकेके छ ।