बुटवल । तिनाउ नदी बुटवल र रुपन्देहीको लाइफलाइन हो । तिनाउ बेसिनले सिंगो रुपन्देहीलाई नै जीवन्त राख्न मद्दत पुर्याएको छ । तर, तिनाउ नदी कहिलेकाहीँ बुटवल र आसपासको क्षेत्रका लागि ठूलो दुःख पनि हो ।
नभै नहुने, तर भयो वैगुनी । तिनाउ नदीले यस्तै व्यवहार दर्शाएको छ, हिजोआज बुटवल र आसपासको क्षेत्रमा । अविरल वर्षापछि तिनाउ उलिँदा बुटवल अस्तव्यस्त बन्न पुगेको छ । गएराति ५ घण्टा बढी आएको वर्षाले बुटवलको सामान्य जनजीवनलाई आतंकित नै बनाएको छ ।
माथिल्लो जलाधार क्षेत्रमा घनघोर वर्षा हुँदा तल्लो तिनाउ आसपासको तटीय क्षेत्र प्रभावित भएको छ ।
यसबाहेक रातभरको वर्षाले रुपन्देहीका विभिन्न स्थानमा वस्तीहरु डुबानमा परेका छन् भने बाढीले दर्जन बढी घर बगाएको छ ।
बुटवल उपमहानगरपालिकाको वडा नम्बर ४ लक्ष्मीनगरको डाँडामा सुखौरा खोलामा आएको बाढीले कम्तीमा ४ वटा घर, बाख्राको खोर र केही सवारी साधन बगाएको बगाएको छ ।
केहि दिनदेखी लगातार परेको बर्षाका कारण तिनाउ नदीमा आएको बाढीले नदि कटान गर्दा ३ दिनमा बुटवल उपमहानगरपालिकाको वडा नं. १७ रानीगन्ज मनकामना टोलमा ४ ओटा घर बगाएको छ ।
बाढीले स्थानीय पुरुषोतम पुरी, प्रेम कुमारी खाम्चा, उमेश हरीजन र मंगली नेपालीको घर बगाएको हो ।
फोटोफिचर
प्रतिक्रिया