जनता समाजवादी पार्टीका अध्यक्ष उपेन्द्र यादवले कम्युनिष्ट पार्टीको सरकारले मुलुकलाई धारासायी बनाउँदै आफुपनि धारासायी बन्दै गएको बताएका छन् । काठमाडौमा आयोजित एक कार्यक्रममा बोल्दै अध्यक्ष यादवले कम्युनिष्ट नेतृत्वको सरकारले देशलाई आर्थिकरुपमा धारासायी बनाउँदै लगेको र आफु राजनितिकरुपमा धारासायी बन्दै गएको आरोप लगाए ।
उनले कम्युनिष्ट पार्टीको सरकार भएका विश्वका अन्य मुलुकहरुमा कम्युनिष्टहरुले मुलुकलाई धरासायी पारेर आफुपनि त्यसरी नै धरासायी भएर गएको इतिहास भएको उल्लेख गरे । यादवले भने, भ्रष्टाचार काण्डैकाण्डमा सरकार फसेको छ । यतिका काण्ड त पञ्चायति समयमा पनि भएका थिएनन होला ।’’
अध्यक्ष यादवले अहिलेको सरकार र कम्युनिष्ट पार्टीबाट मुकुकको कुनै समस्या हल हुन नसक्ने भएको दाबी गर्दै मुलुकलाई अव वैकल्पिक शक्तिको आवश्यकता रहेको बताए । उनले नेपाल लोक समाजवाद (समाजवाद, संघियता र लोकतन्त्र)को बाटोमा हिड्ने नयाँ राजनीतिक विचार र शक्तिको निर्माण गर्दै मुलुकको भविष्य सुनिश्चित गर्ने तर्फ अगाडी बढ्न आवश्यकता रहेको उल्लेख गरे ।
प्रतिक्रिया