१३ बैशाख २०८१, बिहिबार | April 25, 2024

बुटवल फर्निचर उद्योग संघले प्रदेश सरकार र स्थानिय सरकारलाई ४ बुदे ज्ञापनपत्र बुझाए



बुटवल । बुटवल फर्निचर उद्योग संघका पदाधिकारीहरुले आईतबार प्रदेश सरकार र स्थानिय सरकारलाई ४ बुदे ध्यानाकषण पत्र बुझाएका छन ।

संघका अध्यक्ष सुरेन्द्र ज्ञवालीको नेतृत्वमा निवर्तमान अध्यक्ष विष्णु प्रसाद पाण्डे, प्रथम उपाध्यक्ष तेज प्रसाद पराजुली, द्धितिय उपाध्यक्ष जिवकान्त काफले, सचिव बल बहादुर गोदारले प्रदेश ५ का उद्योग, पर्यटन, वन तथा वातावरणमन्त्री लिला गिरी र बुटवल उपमहानगरपालिकाका नगरप्रमुख शिवराज सुवेदीलाई छुट्टाछुट्टै भेटेर ध्यानाकषर्ण पत्र बुझाएका हुन ।

सो अवसरमा संघका अध्यक्ष सुरेन्द्र ज्ञवालीले पछिल्लो समयमा देखापरेको समस्या समाधानको लागि पहल गर्न आग्रह गरे । वन जंगलमा फर्निचरजन्य काठहरु सडेर खेर गईरहेको बेला वर्षेनी अरबौका काठ विदेशबाट भित्रिरहेका जानकारी गराउदै यसतर्फ सरकारले पहल थाल्नुपर्ने सुझाव दिए ।

स्वदेशी कच्चा पदार्थको समुचित प्रयोगका लागि पटकपटक आवाज उठाउदै आएको भएपनि आवश्यक पहल नभएको उनको गुनासो छ । प्रदेश सरकारले सरकारी कार्यालयहरुमा स्वदेशी फर्निचर प्रयोग गर्ने नीति अवलम्बन गरे अनुरुप कार्यान्वनमा जोड दिन संघका निवर्तमान अध्यक्ष विष्णु प्रसाद पाण्डेको सुझाव छ । सरकारले ल्याउने राम्रा नीति कार्यान्वनमा समस्या हुने गरेको उनले दुखेसो गरे ।

कोभिड-१९ को विषय परिस्थितीमा मजदुर अभाव र आम फर्निचर उद्योगहरुले ब्यहोर्नु परिरहेको समस्या सम्बन्धमा समेत उनले जानकारी गराए । संघले जारी गरेको ध्यानाकषर्ण पत्रमा नेपाल सरकारले सालको काठ कटानी र ढुवानी बन्द गर्दा फर्निचर उद्योगहरु कच्चा पदार्थहरुको अभावले बन्द हुदै गएको तर वन जंगलमा काठहरु सडेगलेर खेर गईरहेको उल्लेख छ ।

सरकारका विभिन्न निकाय तथा सामुदायिक वनहरुले यस अघि आब्हान गरेको टेण्डर बमोजिम उद्योगीले जम्मा गरेका करोडौ धरौटी रकम सरकारी खातामा जम्मा भएपनि आवश्यक प्रक्रिया अघि बढाउनुपर्ने समेत उल्लेख गरिएको छ । तत्काल सालको काठ कटानी र बिक्री वितरण, ढुवानी सुचारु हुने वातावरण तयार गर्नुपर्ने समेत सरकारसंग माग गरिएको छ ।

स्वदेशमै हजारौ युवाहरु बेरोजगार बन्दै गएको तथा भारतीय मुलका कामदारहरुले खुलेआम रुपमा घर घरमा पुगेर फर्निचरको काम गरिरहेका हुदा यसलाई रोक्न स्वदेशका युवाहरुलाई तत्काल सिपयुक्त तालिम प्रदान गरि उत्पादन क्षेत्रमा ब्यवस्थापन गर्ने तथा गैर कानुनी ढंगबाट काम गरिरहेकालाई यथाशिघ्र कानुनको दायरामा ल्याएर कारवाही गर्न अघि बढाउन माग गरिएको छ ।

यसैगरि बिना दर्ता काम गर्ने प्रवृति निरुत्साहित गर्न र उद्योगहरुलाई उचित संरक्षण अघि बढाउने साथै कोभिड-१९ को प्रभावले यस क्षेत्रका फर्निचर उद्योगहरुमा काम गर्ने विदेशी कामदारहरु उतै पलायन भएको हुदा स्वदेशमा सीपयुक्त जनशक्ती तयार गर्ने समावधीसम्म विदेशी कामदारहरुलाई सहज रुपमा ल्याउने वातावरण तयार गर्न माग गरिएको छ ।

 

प्रकाशित मिति : १२ आश्विन २०७७, सोमबार  ७ : ४१ बजे

कोशीमा संकल्प प्रस्ताव पारित भएको पत्र प्रदेश प्रमुखलाई पठाइयो

विराटनगर । कोशी प्रदेशका मुख्यमन्त्री केदार कार्कीसँग प्रदेशसभामा बहुमत नरहेको

समृद्धी सलोन एण्ड एकेडेमीद्धारा सम्मान तथा दिक्षित

बुटवल । बुटवलको अमरपथस्थित सिंह कम्पेलेक्समा रहेको समृद्धी सलोन एण्ड

युवती भगाएको विषयमा धनुषाको पौडेसर तनावग्रस्त

धनुषा ।  धनुषाको औरही गाउँपालिकाको पौडेसर तनावग्रस्त भएको छ ।

मनमोहन अधिकारी वाम-लोकतान्त्रिक आन्दोलनका अथक योद्धा : पूर्वराष्ट्रपति भण्डारी

काठमाडौं । पूर्वराष्ट्रपति विद्यादेवी भण्डारीले मनमोहन अधिकारी नेपालको वाम-लोकतान्त्रिक आन्दोलनका

त्रिवि भूगोल केन्द्रीय विभागमा माटो परीक्षण तालिम

काठमाडौं । त्रिभुवन विश्वविद्यालय भूगोल केन्द्रीय विभागले माटोको नियमित परीक्षण