काठमाडौैं । कोरोना भाइरसको महामारीले विश्वलाई नै अस्तव्यस्त बनाएको छ ।
महामारीले नेपाल समेत नराम्रोसँग प्रभावित भएको छ । भाइरसका संक्रमित दिनदिनै बढ्दै गएका छन् । घना वस्ती भएका काठमाडौं उपत्यका लगायतका ठूला शहरहरुमा जोखिम झन बढ्दो छ ।
कोरोना नियन्त्रणमा सरकारका मान्छेहरुको दूरदर्शी सोचको अभाव र आम मानिसको कोरोनाप्रति असंवेदनशीलताका कारण महामारी फैलिन मद्दत मिलेको छ ।
शुक्रबार देशभर कोरोनाका २७ सय २२ नयाँ संक्रमित थपिएका छन् ।
१४ हजार ७३९ पीसीआर परीक्षणमा २ हजार ७ सय २२ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।
यससँगै देशभर अहिलेसम्म कोरोना संक्रमितको संख्या ८२ हजार ४५० पुगेको छ ।
शुक्रबार सक्रिय संक्रमितको संख्या २१ हजार २३४ पुगेको छ । संस्थागत आइसोलेसनमा ९ हजार ४७४ जना रहेका छन् । यस्तै, होम आइसोलेसनमा ११ हजार ७६० जना रहेका छन् ।
पछिल्लो २४ घण्टामा ३३०७ जना संक्रमित निको भएर घर फर्किका छन् ।
प्रतिक्रिया