काठमाडौं । माछापुच्छ्रे बैंकले स्थापनाको २० वर्ष पूरा गरेको अवसरमा ग्राहकहरुलाई लक्षित गरी विभिन्न सेवाहरु थप गरेको छ ।
२० औं वार्षिकोत्सवको अवसरमा बेंकले नेपालमै पहिलो पटक वि-च्याट वालेटबाट रकम भुत्तानीको सेवा सुरु गरेको छ जनाएको छ ।
बैंकले प्रकाशित गरेको विज्ञप्तिमा बैंकले २० औ वार्षिकोत्सवको उपलक्ष्यमा ग्राहक लक्षित विभिन्न नयाँ ६ वटा स्मार्ट सेवाहरु तथा योजनाहरु एकै साथ संचालनमा ल्याएको जनाएको छ ।
विज्ञप्तिमा बैंकले ग्राहकहरुले क्युआरकोड स्क्यान गरी आफ्नो खाताबाट नगद निकाल्न सक्ने गरी एमबीएल स्मार्ट काउण्टरको सुरुवात गरेको उल्लेख गरिएको छ । त्यसैगरी बैंकले आफ्नो नयाँ स्मार्ट वेवसाईट पनि शुक्रबारबाटै सञ्चालमा ल्याएको जनाएको छ ।
बैंकका अनुसार स्मार्ट वेवसाईटमार्फत बैंकका ग्राहकहरुले बचत खाता खोल्न र क्रेडिट कार्डको अनलाईन आवेदन दिनसक्ने सक्ने छन् ।
बैंकले २० औ वार्षिकोत्सवको उपलक्ष्यमा ग्राहकहरुलाई लक्षित गरी विभिन्न २०–२० [ट्वेन्टी–ट्वेन्टी] अफरहरु समेत घोषणा गरेको छ ।
बैंकले आफ्नो वार्षिकोत्सवको पूर्वसन्ध्यामा ओखलढुङ्गा जिल्लाको सिद्धिचरण नगरपालिकामा आफ्नो १६० औँ शाखा कार्यालय समेत संचालनमा ल्याएको छ ।
नेपालमा माछापुछ्रे बैंकको १६० वटा शाखाहरु रहेका छन् । बैंकले १३३ शाखारहित बैकिङ्ग सेवा, ५ वटा एक्सटेन्सन समेत गरी जम्मा २९८ स्थानबाट बैकिङ्ग सुबिधा प्रदान गर्दै आएको छ । बैंकको देशभर १९९ वटा एटीएमहरु सञ्चालनमा रहेका छन् ।
प्रतिक्रिया