काठमाडौं । प्रधानमन्त्री केपी शर्मा ओलीको सचिवालयका चार वरिष्ठ सदस्यहरुलाई कोरोना भाइरसको संक्रमण भएको छ ।
प्रधानमन्त्रीको सचिवालयमा रहेका सदस्यहरुले शुक्रबार पीसीआर परीक्षण गर्दा शनिबार चार जनालाई संक्रमण पुष्टि भएको हो ।
प्रमुख राजनीतिक सल्लाहकार रिमालले शनिबार दिउँसो रिमालले ट्वीट गर्दै आफुलाई कोरोना संक्रमण भएको जानकारी गराएका हुन् ।
शुक्रबार गरिएको पीसीआर परीक्षणमा कोरोना पोजेटिभ देखिएको रिमालले जनाएका छन् ।
रिमालले आफुसँग सम्पर्कमा आएका सबैलाई आफ्नो स्वास्थ्यको ख्याल गर्न आग्रह गरेका छन् ।
यसैगरी प्रधानमन्त्री ओलीका प्रेस सल्लाहकार सूर्य थापालाई पनि कोरोना संक्रमण भएको छ ।
थापाले पनि शनिबार आफुलाई संक्रमण भएको जनाउँदै आफ्नो सम्पर्कमा आएका सबैलाई विशेष सावधानी अपनाउन आग्रह गरेका छन् । थापाले पनि शुक्रबार नै स्वाव परीक्षण गराएका थिए ।
यसैगरी विदेश मामिला सल्लाहकार राजन भट्टराई र प्रमुख स्वकीय सचिव इन्द्र भण्डारीलाई पनि संक्रमण पुष्टि भएको छ ।
प्रतिक्रिया