बाँकेबाट आइतबार बिहानै १८ कोरोना संक्रमित डिस्चार्ज

नेपालगन्ज । बाँके जिल्लामा आइतबार १८ जना कोरोना संक्रमित निको भएर डिस्चार्ज भएका छन् ।

बाँकेका विभिन्न आइसोलेसनमा रहेका १८ जना संक्रमित निको भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए । डिस्चार्ज हुनेमध्ये ८ जना महिला र १० जना पुरुष रहेका छन् ।

बाँकेमा हालसम्म कोरोना संक्रमणबाट निको हुनेको संख्या १ हजार ६०२ पुगेको छ ।

अझै पनि विभिन्न आइसोलेसनमा ४१४ जना सक्रिय संक्रमित रहेका छन् । बाँकेमा अहिलेसम्म २१ जनाको मृत्यु भैसकेको छ ।