काठमाडौं । चिकित्सा शिक्षामा सुधारको माग गर्दै १९औं अनसनमा बसिरहेका प्राडा गोविन्द केसीको जीवन रक्षाको माग गर्दै रेजिडेन्ट डाक्टरहरुले ओपीडी सेवा बहिस्कार गरेका छन् ।
त्रिवि शिक्षण अस्पताल, वीर अस्पताल र बीपी कोइराला स्वास्थ्य विज्ञान प्रतिष्ठान धरानका रेजिडेन्ट डाक्टरहरुले मंगलबार बिहानदेखि ओपीडी सेवा बहिष्कार गरेका हुन् ।
डा. केसीको माग पुरा गर्न र जीवन रक्षा गर्न दबाब दिने उद्देश्यले रेजिडेन्ट डाक्टरहरु गत आइतबारदेखि आन्दोलनमा उत्रिएका छन् । उनीहरुले दैनिक २ घण्टा इमर्जेन्सी र कोभिड–१९ बाहेकका कुनै पनि सेवामा बहिस्कार गरिरहेका छन् । आफुहरुको सांकेतिक आन्दोलनलाई सरकारले वास्ता नगरेपछि रेजिडेन्ट डाक्टरहरु आजदेखि ओपीसी सेवा बन्द गरेका हुन् ।
माग पुरा नभएसम्म तीनवटै अस्पतालका सेवा बन्द गरिरहने नेसनल रेजिडेन्ट डाक्टर्स एसोसिएसन, त्रिवि शिक्षण अस्पतालका अध्यक्ष डा. सुभाष देवकोटाले चेतावनी दिएका छन् । यद्यपी, उनीहरुले इन्डोर, इमर्जेन्सी र कोभिडसेवा भने जारी राखेका छन् ।
ि
त्रिवि शिक्षण अस्पताल, वीर अस्पताल र बीपी कोइराला स्वास्थ्य विज्ञान प्रतिष्ठान धरानमा ८ सय १० जना रेजिडेन्ट डाक्टरहरु रहेका छन् ।
डा. गोविन्द केसी आमरण अनसनमा बसेको आज २३औं दिन हो । गत भदौ २९ गते जुम्लाबाट केसीले अनसन सुरु गरेका थिए ।
प्रतिक्रिया