काठमाडौं । काठमाडौं उपत्यकामा कोरोना संक्रमितको संख्या निरन्तर बढिरहेको छ । मंगलबार केही कमी देखिएपनि बुधबारको तथ्यांक अनुसार काठमाडौंको संक्रमण संख्या पुनः बढेको हो ।
उपत्यकामा बुधबार १६ सय ८४ जना नयाँ संक्रमित थपिएका छन् । काठमाडौंमा मात्रै१२ सय ९६ जना थपिएका छन् । यस्तै ललितपुर जिल्लामा २९३ जना र भक्तपुर जिल्लामा ९५ जना नयाँ संक्रमित थपिएका छन् ।
काठमाडौंमा संक्रमितहरु थपिएसँगै काठमाडौंका अस्पतालहरुमा समेत आइसोलेसन बेडको अभाव देखिने अवस्था सिर्जना भएको छ ।
अधिकांश संक्रमितहरु अहिले घरमै बसेपनि कुनै पनि संकटपूर्ण अवस्था आउने वित्तिकै अस्पताल जानुपर्ने भएका कारण काठमाडौंका कोरोना केन्द्रित अस्पतालहरुमा चाप बढ्ने स्वास्थ्यमन्त्रालयले जनाएको छ ।
प्रतिक्रिया