भारतमा पछिल्लो २४ घण्टामा ७३ हजार भन्दा बढी संक्रमित थपिए

काठमाडौं । भारतमा पछिल्लो २४ घण्टाभित्र ७३ हजार १९६ जना कोरोना भाइरसका नयाँ संक्रमित थपिएका छन । सोही अवधिमा त्यहाँ ९२९ जना संक्रमितको मृत्यु भएको छ ।

वर्ल्डोमिटर्सको तथ्यांकअनुसार भारतमा कूल संक्रमितको संख्या ६९ लाख ७७ हजार पुगेको छ । त्यहाँ हालसम्म कोरानाका कारण एक लाख सात हजार ४५० जनाको मृत्यु भइसकेको छ ।

भारतमा सक्रिय संक्रमितको संख्या आठ लाख ८४ हजार ५३ रहेको छ । हालसम्म ५९ लाख ८५ हजार ५०५ जना उपचारपछि निको भएको तथ्यांक छ ।

पछिल्लो तथ्यांकअनुसार विश्वमा कोरोना संक्रमितको संख्या तीन करोड ७० लाख ९१ हजार ४५६ पुगेको छ । हाल सक्रिय संक्रमितको संख्या ८१ लाख ४० हजार १२७ रहेको छ ।