चितवनमा एक वृद्धा महिला र काभ्रेमा एक पुरुषको कोरोनाबाट मृत्यु

चितवन । चितवनमा ७५ वर्षीया महिलाको कोरोना संक्रमणका कारण निधन भएको छ ।

चितवन मेडिकल कलेजमा उपचाररत भरतपुर महानगरपालिका वडा नं.१० की ती वृद्धा महिलाको आइतबार बिहान मृत्यु भएको अस्प्तालले जनाएको छ ।

गत असोज २२ गते गते स्वासप्रश्वासमा समस्या भै अस्पताल भर्ना भएकी ती महिलालाई सोही दिन कोरोना पुष्टि भएको थियो ।

उनको सघन उपचार कक्षमा उपचार भैरहेको अवस्थामा आइतबार बिहान ५ः३० मा निधन भएको कलेजका निर्देशक डा. दयाराम लम्सालले जनाएका छन् । उनी उच्च रक्तचाप, मधुमेह र दमको रोगी थिइन ।

यसैगरी, यसैगरी धुलिखेल अस्पतालमा उपचाररत काभे्रका एक जना कोरोना संक्रमित पुरुषको मृत्यु भएको छ ।

१० दिनदेखि अस्पतालमा उपचाररत ५२ वर्षीय ती पुरुषको गएराति मृत्यु भएको अस्पतालले जनाएको छ । उनी जन्डिसका बिरामी थिए । योसँगै काभ्रे जिल्लामा अहिलेसम्म ९ जना कोरोना संक्रमितको मृत्यु भएको छ ।