काठमाडौं । काठमाडौं उपत्यकामा कोरोना भाइरसका संक्रमित निकै बढेपछि उपचारको व्यवस्थापनमा समस्या उत्पन्न भएको छ ।
उपचार गर्नुपर्ने संक्रमितहरुको संख्या धेरै भएपछि सरकारले अब काठमाडौं उपत्यकाभित्रका सबै सरकारी अस्पताललाई डेडिकेटेड कोभिड अस्पतालमा रुपान्तरण गर्नेभएको छ ।
स्वास्थ्य तथा जनसंख्यामन्त्रायका प्रवक्ता प्राडा जागेश्वर गौतमले सबै सरकारी अस्पताललाई कोभिड अस्पताल बनाउने निर्णय भएको जानकारी दिए ।
यससँगै स्वास्थ्यसेवा विभागसँग भएका भेन्टिलेटर, आईसीयू र अक्सिजन आदि सघन उपचारका लागि व्यवस्थापन गर्ने निर्णय भएको छ ।
बैठकले होटलहरुलाई समेत आइसोलेसन सेन्टरका लागि अनुमति दिने निर्णय गरेको छ । होटलहरुसँग समन्वय गरेर आइसोलेसन बनाउने निर्णय भएको हो । तर ती होटलहरुमा अन्य ग्राहकलाई भने राख्न पाइने छैन।
प्रतिक्रिया