७ जेष्ठ २०८१, सोमबार | May 20, 2024

सल्यान अस्पताल जाने बाटो पहिरोले बगाएपछि सेवाग्राही मर्कामा



सल्यान । सल्यान अस्पतालको आकास्मिक कक्ष जाने बाटो पहिरोले बगाएपछि सेवाग्राही मर्कामा परेका छन् ।

गत भदौ १ गते आएको अविरल वर्षाले अस्पतालको नवनिर्मित भवनको पछाडीको बाटो पहिरोले बगाएपछि आकास्मिक सेवा लिन आउने बिरामी मर्कामा परेका हुन् ।

जटिल स्वास्थ्य समस्या भएका बिरामीहरुलाई घुमाउरो बाटोबाट आकास्मिक वार्डसम्म पु¥याउनुपर्ने बाध्यता छ । पहिला आकास्मिक कक्षको ढोकासम्मै गाडी पुग्ने गरेकोमा अहिले बाटो भत्किएपछि जटिल स्वास्थ्य समस्या भएका बिरामीलाई त्यहाँसम्म पु¥याउन सास्ती भइरहेको सेवाग्राही यादव हामलले बताए ।

बुहारीलाई प्रसूति ब्यथा लागेर उपचारका लागि अस्पताल ल्याएकी हुमा केसीले पनि पहिरोले बाटोमा क्षति पु¥याएपछि सेवा लिन आउनका लागि समस्या भएको बताए । उनले भने, “प्रसूति व्यथा लागेर उठनै नसक्ने भएकी वुहारीलाई बीच बाटोमै एम्बुलेन्सबाट झारेर यहाँसम्म ल्याउँदा हैरान भयो ।”

अस्पतालमा आउने सेवाग्राहीलाई समस्या हुने गरेको थाहा पाएर पनि सम्बन्धित सरोकारवाला निकायले यस विषयमा समयमै ध्यान पु¥याउन नसकेको अस्पतालको गुनासो छ ।

स्वास्थ्य सेवा कार्यालय सल्यानका मेडिकल अधिकृत डा भिमकान्त जैसीले लामो समय भईसक्दा पनि बाटोको मर्मत हुन नसक्दा सेवा प्रवाहमा समस्या भएको बताए । उनले भने, “अहिले कोभिड-१९ का कारण पनि सतर्कता अपनाएर सेवा प्रवाह गरिरहेका छौं, तर गम्भीर प्रकृतिका बिरामीलाई लिएर आउने सेवाग्राहीलाई अहिले समस्या भएको छ ।”

शारदा नगरपालिकाले अस्पताल भवन निर्माण गरेर स्वास्थ्य सेवा कार्यालयलाई हस्तान्तरण गरि नसक्दै पहिरोले भवन पछाडी रहेको बाटो बगाएका कारण भवन समेत जोखिममा छ ।

भवन हस्तान्तरण नभएकाले पहिरोले क्षति पु¥याउँदासमेत अस्पतालले मर्मतसम्भार गर्न नसकेको अस्पताल व्यवस्थापन समितिका अध्यक्ष सिपी ओलीले जानकारी दिए ।

स्वास्थ्य सेवा कार्यालय सल्यान कोभिड-१९ का स्रोत व्यक्ति रिखाराम पुनले भने, “गम्भीर स्वास्थ्य समस्या भएका बिरामीलाई समयमै अस्पताल पु¥याउन नसकिए मृत्युसमेत हुन सक्ने भएकाले यसप्रति सरोकारवाला निकाय तत्काल ध्यान दिन जरुरी छ ।” रासस

प्रकाशित मिति : २७ आश्विन २०७७, मंगलबार  ७ : १० बजे

सभामुखको भूमिका सन्तोषजनक भएन- चित्रबहादुर केसी, महामन्त्री शर्माले सभामुखलाई भने-‘रबर स्ट्याम्प’

काठमाडौं । जनमोर्चाका अध्यक्ष चित्रबहादुर केसीले संसदमा सभामुखको भूमिका सन्तोषजनक

नेपालगन्जमा परम्परागत इनारको संरक्षण

नेपालगन्ज । नेपालगञ्जका साँघुरा गल्लीमा हुनसक्ने आगजनीको जोखिमलाई मध्यनजर गरी

नाराबाजीका बीच प्रधानमन्त्रीले पाए विश्वासको मत

काठमाडौं । प्रधानमन्त्री पुष्पकमल दाहाल ‘प्रचण्ड’ ले आज प्रतिनिधिसभाबाट पुनः

कानुनभन्दा माथि कोही छैन भन्ने भाष्य स्थापित भएको छ : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल ‘प्रचण्ड’ले राजनीतिक नेतृत्व कानुनभन्दा माथि