काठमाडौं । काठमाडौं उपत्यकामा संक्रमितको संख्या निरन्तर बढिरहेको छ ।
उपत्यकामा शुक्रबार २ हजार ४०२ जना नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार काठमाडौंमा १ हजार ७८४ जना थपिएका छन् भने ललितपुरमा ३७४ जनामा संक्रमण पुष्टि भएको छ । यसैगरी भक्तपुरमा २४४ जनामा संक्रमण लागेको छ ।
मन्त्रालयका अनुसार उपत्यकामा संक्रमण दर बढेसँगै अस्पतालहरुमा चापाचाप भएको छ ।
अस्पतालमा आइसीयू बेड र भेन्टिलेटरको अभाव बढ्दै गएको छ ।
मन्त्रालयले संक्रमणको भयावह अवस्थालाई ध्यामा राख्दै वृद्धवृद्धा तथा केटाकेटीलाई सुरक्षित राख्न अनुरोध गरिरहेको छ ।
यसैगरी मन्त्रालयले जथाभावी घरबाहिर ननिस्कन पनि अनुरोध गरेको छ ।
प्रतिक्रिया