काठमाडौंमा थपिए १६९८ नयाँ संक्रमित, उपत्यकामा हालसम्म ५५ हजारबढी संक्रमित

काठमाडौं । कोरोना भाइरसको हटस्पट बनेको काठमाडौं उपत्यकाभित्र आइतबार पनि सयौंको संख्यामा संक्रमित थपिएका छन् ।

उपत्यकामा १ हजार ६९८ जना संक्रमित थपिएको स्वास्थ्य तथा जनसंख्या मन्त्रालयले जनाएको छ । जसमध्ये काठमाडौंमा मात्रै १ हजार ४६९ जना रहेका छन् ।

यसैगरी ललितपुरमा १३० जना र भक्तपुरमा ९९ जनामा संक्रमण पुष्टि भएको छ ।

उपत्यकाभित्र हालसम्म ५५ हजार ३८४ जनामा संक्रमण पुष्टि भएको छ । जसमध्ये सबैभन्दा धेरै काठमाडौंमा ४४ हजार ७७५ रहेका छन् ।