काठमाडौं । काठमाडौंको सिनामंगलस्थित काठमाडौं मेडिकल कलेज (केएमसी) को तेस्रो तलाबाट हाम फालेका एक युवककोमृत्यु भएको छ ।
सोलुखुम्बुको जुगु गाउँपालिकाका २६ वर्षीय रोशन खड्काले सोमबार बिहान ८:४५ बजे अस्पतालको तेस्रो तलाबाट हाम फालेका थिए । गम्भीर अवस्थामा रहेका उनको उपचार गर्दागर्दै मृत्यु भएको प्रहरीले जनाएको छ ।
काठमाडौंको वानेश्वरमा बस्ने ती युवकलाई उनको आमाले आइतबार साँझ अस्पताल भर्ना गरेकी थिइन । निवासमा आगोले पोलेपछि उनलाई उपचारका लागि अस्पताल ल्याइएको थियो ।
महानगरीय प्रहरी वृत्तका गौशालाका अनुसार उनको मानसिक सन्तुलन ठिक थिएन । कुरुवा बसेकी आमा औषधी लिन गएको बेला उनी झ्यालबाट हामफालेको प्रहरीले जनाएको छ ।
प्रतिक्रिया