काठमाडौं । भारतीय गुप्तचर संस्था रअका प्रमुख सामन्त कुमार गोयलले प्रधानमन्त्री केपी शर्मा ओलीसँग भेट गरेको प्रधामन्त्री सचिवालयले स्वीकार गरेको छ ।
प्रधानमन्त्री ओलीका प्रेस सल्लाहकार सूर्य थापाले रअका प्रमुख गोयलसँग बुधबार साँझ भेट भएको जनाएका छन् ।
थापाले बिहीबार प्रेस नोट जारी गर्दै प्रधानमन्त्री निवास पुगेर गोयलले प्रधानमन्त्रीसँग् भेट भएको उल्लेख गरेका छन् ।
भेटमा नेपाल–भारतबीचको मैत्री सम्बन्ध खलबलिन नदिने, समस्याहरूको वार्ताद्वारा समाधान गर्ने र पारस्परिक सहयोगलाई निरन्तर अगाडि बढाउने विषयमा आफ्नो धारणा राखेको थापाले जनाएका छन् ।
थापाले जारी गरेको प्रेस नोटः
भारतीय गुप्तचर संस्था रिसर्च एण्ड एनालाइसिस विङ ९रअ० का प्रमुख सामन्तकुमार गोयलले सम्माननीय प्रधानमन्त्री केपी शर्मा ओलीसँग शिष्टाचार भेट गर्नुभएको छ।
उहाँ भेटको लागि बुधबार बेलुका प्रधानमन्त्रीको सरकारी निवास बालुवाटार आउनुभएको थियो।
भेटका क्रममा उहाँले नेपाल–भारतबीचको मैत्री सम्बन्ध खलबलिन नदिने, समस्याहरूको वार्ताद्वारा समाधान गर्ने र पारस्परिक सहयोगलाई निरन्तर अगाडि बढाउने विषयमा आफ्नो धारणा राख्नु भयो।
सूर्य थापा
प्रधानमन्त्रीका प्रेस सल्लाहकार
६ कात्तिक २०७७
सुरक्षा स्रोतका अनुसार गोयलसहित तीन जनाको टोली बुधबार राति १० बजेर १५ मिनेटमा प्रधानमन्त्री निवास बालुवाटार पुगेका थिए । उनी मध्यराति ११ बजेर ४५ मिनेटमा मात्रै बालुवाटारबाट फर्किएका थिए ।
गोयल आज बिहान १० बजेर ८ मिनेटमा दिल्ली फर्किएका थिए ।
प्रतिक्रिया