काठमाडौं । प्रदेश नं १ का आन्तरिक मामिला तथा कानूनमन्त्री हिक्मतकुमार कार्कीलाई कारोना सङ्क्रमण भएको छ ।
मन्त्री कार्कीले कन्टयाक्ट टे«सिङका आधारमा बिहीबार स्वाब परीक्षण गर्नु भएकामा आज कोरोना पोजेटिभ पुष्टि भएको उहाँका निजी सचिव रवि खनालले जानकारी दिए ।
मन्त्री कार्कीले केही दिनदेखि सामान्य रुघाखोकी लागेकाले कन्टयाक्ट ट्रेसिङका आधारमा स्वाव परीक्षण गराएका थिए । उनको अहिले विराटनगरस्थित निवासमा आइशोलेसनमा बसेका छन्।
मन्त्री कार्कीको स्वास्थ्यवस्था अहिले सामान्य छ । उनले आफूसँग सम्पर्कमा रहनुभएका सबैलाई सजग रहन आग्रह गरेका छन् ।
यसैगरी मन्त्री कार्कीका निजी सचिव खनाललाई पनि कोरोना पोजेटिभ देखिएको छ । कार्की अहिले सुनसरीको धरानस्थित निवासमा आइशोलेशनमा बस्नुभएको छ ।
प्रतिक्रिया