धरान । धरानमा थप एक कोरोना संक्रमित महिलाको मृत्यु भएको छ ।
धरानस्थित वीपी कोइराला स्वास्थ्य विज्ञान प्रतिष्ठानमा उपचाररत कोरोना संक्रमित महिलाको मृत्यु भएको हो ।
धरान उपमहानगरपालिका १७ की ६२ वर्षीया महिलाको शनिबार ३ अपरान्ह बजे मृत्यु भएको प्रतिष्ठानका सह प्रवक्ता डा। आशिष श्रेष्ठले जानकारी दिए ।
उनका अनुसार मिर्गौला सम्बन्धी समस्याबाट पीडित महिलामा असोज २० गते कोरोना भाइरस संक्रमण पुष्टि भएको थियो ।
योसँगै प्रतिष्ठानमा हालसम्म कोरोना संक्रमणका कारण ७३ जनाको मृत्यु भएको छ ।
प्रतिक्रिया