धरान । धरानस्थित वीपी कोइराला स्वास्थ्य विज्ञान प्रतिष्ठानमा थप एक जना कोरोना संक्रमित पुरुषको मृत्यु भएको छ ।
प्रतिष्ठानका सहप्रवक्ता डा.आशिष श्रेष्ठका अनुसार धरान उपमहानगरपालिकामा ५० वर्षीय पुरुषको सोमबार दिउँसो १२:५५ बजे उपचारका क्रममा मृत्यु भएको हो ।
उच्च रक्तचाप र मधुमेहबाट पीडित पुरुषमा कार्तिक १ गते कोरोना भाइरस संक्रमण पुष्टि भएको बताएका डा.श्रेष्ठले स्वास्थ्य अवस्था गम्भीर बनेर थप उपचारका क्रममा सोमबार दिउँसो मृत्यु भएको जानकारी दिए ।
कोरोना संक्रमण भएपछि पुरुषलाई आठौं दिन कार्तिक ८ गते प्रतिष्ठानको कोभिड-१९ अस्पतालमा उपचारका लागि भर्ना गरिएको थियो ।
योसँगै प्रदेशमा हालसम्म ५२ महिला र १ सय २० जना पुरुष गरि कुल १ सय ७२ जनाको मृत्यु भएको छ ।
प्रतिक्रिया