काठमाडौं । नेपालीहरुको महान् चाड दशैंको मुख्य दिन विजयादशमी । बिहान १० बजेर १९ मिनेटको शुभसाइतमा मान्यजनहरूबाट टीका जमरा ग्रहण गरिएको छ ।
मान्यजनहरूले नवदुर्गाको प्रसादको रुपमा रहेको रातो टीका जमरा लगाइदिएर आशिर्वाद दिएका छन् । रातो टीकालाई शुभसाइतको प्रतिक मानिन्छ भने जमरालाई समृद्धिको प्रतीक मानिन्छ ।
आश्विन शुक्ल दशमीका दिनमा मनाइने विजयादशमी पर्व आज हर्षोल्लासका साथ मान्यजनबाट दुर्गाभवानीको प्रसादस्वरुप टीका र जमरा थापेर मनाइन्छ ।
घटस्थापनाको दिन स्थापना गरिएको घडाबाट अभिषेख गरी आज नवदुर्गाको प्रसादका रुपमा टीका र जमरा लगाउने गरिन्छ ।
टीकाको साइत विहान १०ः १९ बजे भएपनि कोजाग्रत पूर्णिमासम्म आफु अनुकुलको समयमा टीका लगाउन सकिने नेपाल पञ्चाङ्ग निर्णायक समितिले जनाएको छ ।
कोरोना संक्रमण महामारीका कारण विगत वर्षहरु जस्तो उल्लास नभएपनि भौतिक दुरी कायम गर्दै सर्वसाधारणले दशैंको टीका र जमरा लगाइरहेका छन् ।
असत्यमाथि सत्य र आसुरीशक्तिमाथि दैवीशक्तिको विजयको प्रतीकका रुपमा मनाइने विजयादशमी बडादशैंकै सबैभन्दा महत्वपूर्ण दिन हो ।
बडादशैंको दिन उपत्यकाको सडक भने सुनसान देखिएको छ । कोरोना भाइरस संक्रमणको जोखिमका विगतका वर्षहरु जस्तो उल्लास भने देखिँदैन् ।
प्रतिक्रिया